Мемнан-влак - Калугышто
Калуга олаште пашам ыштыше-влак коклаште VIII всероссийский спартакиаде эртен. Тушко 32 регион гыч 900 еҥ ушнен. Нуно шке вийыштым иймаште, лӱйкалымаште, шахмат, баскетбол, волейбол, ӱстембал теннис дене модмаште да спортын моло видыштыже тергеныт. Марий Элын чапшым ныл команде арален: «Копир» завод, «Акашевский» сурт кайык фабрике, Йошкар-Оласе Газпром да Советский район гыч спорт еш.
Личный первенствыште кирам нӧлтымаште Александр Иванов ден Ирина Лебедева шӧртньӧ медальым сеҥен налыныт.
