Всероссийский финн-угор форум
Таче Йошкар-Олаште Российысе финн-угор калык-влакын кумшо форумышт почылтын.
Тудын пашашкыже Россий президентын администраций вуйлатышыжын алмаштышыже Магомедсалам Магомедов, Юл кундем фдерал округышто президентын полномочный представительже Игорь Комаров, ФАДН вуйлатыше Игорь Баринов ушненыт. Нунын дене регионым вуйлатыше Юрий Зайцев вашлийын.
Россий президентын администрацийжым вуйлатышын алмаштышыже палемден: «Тиде форум республикылан веле огыл, финн-угор калыклан веле огыл, уло элла кӱлешан. Россий президент кугыжаныш элкӧргӧ политикылан кугу тӱткышым ойыра»,
Юрий Викторовичын шомакше почеш финн-угор калык-влакын тӱвыра поянлыкыштым арален кодымаште да регион-влак кокласе кылым пеҥгыдемдымаште тыгай мероприятий моткоч кугу верым айла. А форумын паша лектышыже межнациональный отношенийым пеҥгыдемдымаште ончыко каяш полша.
Юл кундем федерал округышто Россий президентын полномочный представительже Игорь Комаров гын республикына калык-влак кокласе кылым аралымаште Юл кундем федерал округышто ончыл верыште манын ойлен. «Марий Эл гыч форумым эртараш йодмашым налмеке, ме тидын шотышто кокытеланенат огынал», - тиде ФАДН вуйлатыше Игорь Бариновын шомакше.
