Марий форум Пошкырт кундемыште лиеш
Марий форум Пошкырт кундемыште лиеш. «Марий форум- 2021»- ӧрдыжтӧ эртарыме шыже сессий «Тӱвыра да самырык тукым» теме дене Пошкырт велысе Мишкан селаште 25-ше сентябрьыште эрта. Паша куд секцийыште каяш тӱҥалеш: «Юмынйӱла», «Тӱвыра да этнобрендирований», «Марий самырык тукым», «Ял да ола», «Еш, шочмо йылме да туныктымо паша», «СМИ да цифран технологий». Тушко мер да кугыжаныш деятель, туныктыш пӧлкалан вуйлатыше дене специалистышт, марий йылме ден сылнымутым, историйым да калык тӱвырам туныктышо- влак погынышаш улыт. Форумым Башкортостансе калык- влакын келшымаш пӧртышт ден марий калыкын Мер каҥашыже ямдылат.
