Шкетан театр шке спектакльжым Озаҥ олаште драматургий фестивальыште ончыктен

                  Шкетан театр шке спектакльжым Озаҥ олаште драматургий фестивальыште ончыктен. Тушто Карим Тинчурин лӱмеш театр фестиваль эрта. Мероприятий 15-ше сентябрьыште тӱҥалын да 20-шо числа марте шуйна. Теҥгече марий артист- влак самырык режиссёр Степан Пектеевын шындыме «Фолкс» спектакльжым калык ончыко луктыныт. Тидыжат оҥай: спектакль шым йылме дене кая: марий, финн, немыч, итальян, испан, англичан йылме дене, руш йылмыш синхронно кусралтеш. Драматургий фестиваль 1991-ше ий гыч эртаралтеш. Тений тудо шочмо йылме да калыкын икоян улмо идалыклан пӧлеклалтын. Марий артист- влак ондакат фестивальыште участвоватленыт. Мутлан, 2018-ше ийыште Шкетанан романже почеш «Эреҥер» пашаштым ончыктеныт. Тунам труппа «Хрусталь Карим» статуэтка дене палемдалтын.

Прошлые выпуски