«Марий форумын» шыжымсе сессийже Мишканыште эртен
Пошкырт элыште марий йылмым келгын тунемме школ лиеш. Мишкан селаште Башкортостан республикысе кучем марий йылмым келгын тунемме полилингвальный школым почаш сӧрен. Тидын нерген тушто эртыше «Марий форумын» шыжымсе сессийыштыже увертарыме. Школын Полилингвальный форматше мом ончыкта: руш, марий да англичан йылмым предмет семын гына тунемаш огыл, а моло предметымат нине йылме дене туныкташ тӱналыт. Кызыт тыгай школ- влак Уфаште, Стерлитамакыште да Нефтекамскыште пашам ыштат. Кумытыштыжо руш ден англичан йылме башкир йылме дене, иктыштыже татар йылме дене ваш ушалтыт.
Форумышто Башкортостан правительствын вице-премьерже Азат Бадранов, тӱвыра министрын икымше алмаштышыже Наталья Лапшина. Марий Эл Правительство председательын икымше алмаштышыже Михаил Васютин, Марий мер каҥашым вуйлатыше Эдуард Александров, Мишкан район администрацийым вуйлатыше Павел Трапезников, «Эрвел марий» калыкле тӱвыра автономийым вуйлатыше Виталий Ялаев участвоватленыт. Азат Бадранов марий тӱвырам арален кодымо да вияҥдыме моло мероприятий нергенат каласкален. Мутлан «Ший кандыра» фестивальым событийный туризмын програмышкыже пурташ палемдыме, марий кӱсото- влаклан поснак оролымо пӱртӱс мланде статусым пуаш ыштыме.
Мишкан район марий калыкын тӱшкан илыме кугу кумдык. Тудо Уфа деч 150 меҥге тораште верланен. 2010-шо ийысе перепись почеш районысо 72 процент калыкше марий улыт. Марий ял- влак моло районлаштат ятыр верланеныт. Кызыт Башкортостанысе 103 школышто ныл тӱжемат 500 йоча марий йылмым тунемеш.
Форумым у аллей шарныкташ тӱҥалеш. Тудым марий историй да тӱвыра рӱдер воктене шындыме. Тыгыде тумым Марий Эл гыч намийыме. Марий карт- влак юмын шомакым пелештеныт. Тыгак форум кышкарыште сылнымут, тӱвыра, шанче, туныктыш да сымыктыш аланыште ойыртемалтшылан Яныш Ялкайн лӱмеш премийым кучыктымо. Тиде гана тудым Марий Эл гыч мурызо Артур Ефремовлан (колымекыже) пуаш ыштыме. Концерт программым Нефтекамск оласе кугыжаныш филармоний ямдылен.
Башкортостанысе калык- влакын келшымаш пӧртыштын фотожо.
Форумышто Башкортостан правительствын вице-премьерже Азат Бадранов, тӱвыра министрын икымше алмаштышыже Наталья Лапшина. Марий Эл Правительство председательын икымше алмаштышыже Михаил Васютин, Марий мер каҥашым вуйлатыше Эдуард Александров, Мишкан район администрацийым вуйлатыше Павел Трапезников, «Эрвел марий» калыкле тӱвыра автономийым вуйлатыше Виталий Ялаев участвоватленыт. Азат Бадранов марий тӱвырам арален кодымо да вияҥдыме моло мероприятий нергенат каласкален. Мутлан «Ший кандыра» фестивальым событийный туризмын програмышкыже пурташ палемдыме, марий кӱсото- влаклан поснак оролымо пӱртӱс мланде статусым пуаш ыштыме.
Мишкан район марий калыкын тӱшкан илыме кугу кумдык. Тудо Уфа деч 150 меҥге тораште верланен. 2010-шо ийысе перепись почеш районысо 72 процент калыкше марий улыт. Марий ял- влак моло районлаштат ятыр верланеныт. Кызыт Башкортостанысе 103 школышто ныл тӱжемат 500 йоча марий йылмым тунемеш.
Форумым у аллей шарныкташ тӱҥалеш. Тудым марий историй да тӱвыра рӱдер воктене шындыме. Тыгыде тумым Марий Эл гыч намийыме. Марий карт- влак юмын шомакым пелештеныт. Тыгак форум кышкарыште сылнымут, тӱвыра, шанче, туныктыш да сымыктыш аланыште ойыртемалтшылан Яныш Ялкайн лӱмеш премийым кучыктымо. Тиде гана тудым Марий Эл гыч мурызо Артур Ефремовлан (колымекыже) пуаш ыштыме. Концерт программым Нефтекамск оласе кугыжаныш филармоний ямдылен.
Башкортостанысе калык- влакын келшымаш пӧртыштын фотожо.
