Таче Йошкар-Олаште шокшо вӱдым йӧртымӧ кокымшо йыжыҥ тӱҥалын

Таче Йошкар-Олаште шокшо вӱдым йӧртымӧ кокымшо йыжыҥ тӱҥалын
           Таче Йошкар-Олаште шокшо вӱдым йӧртымӧ кокымшо йыжыҥ тӱҥалын. Оласе теплосетьын пеҥгыдылыкшым тергымаш кумшо гыч 10-шо июнь марте эрта,- увертара икымше номеран ТЭЦ. Пытартыш ийлаште шокшо вӱдым пуымым чарыме жап палынак кӱчыкемын. Мутлан, 2008-ше ий марте ик тылзылан шокшо вӱд деч посна кодат ыле. 2008-ше 2009-ше ийлаште кум арнялан, 2010-шо ийыште 14 кечылан, 2011-ше гыч 2021-ше ий марте лу кечылан. Кызыт тиде жап 7 кечыш шуйна. А йӧршын йӧртыде ок лий маныт. Тидыже шокшо вӱдым  ситарыме системе дене пайдаланыме йодмашым шуктыдымаш лиеш. Кеҥеж- теплосетьым ачалыме жап. Кӱкшӧ температуро, темдыме кугу куат да моло амаллан кӧра пуч- влак тоштемыт, нуным олмыкташ але вашталташ кӱлеш. Ырыктыме жапашыте аварий ынже лий манын, кеҥежым шокшо вӱдым йӧртен, терген ончаш кӱлеш. Тидыже телым аварий деч посна ышташ йӧным пуа.- каласен икымше ТЭЦ-ын тӱҥ инженерже- директорын технически вияҥдыме шотышто алмаштышыже- Андрей Болдянкин.
        Фото: ТЭЦ-1.

Прошлые выпуски