Марий калыкын погынышкыжо 300 делегат толшаш
Марий калыкын погынышкыжо 300 делегат толшаш. Марий калыкын 11-ше погынжо Йошкар-Олаште икымше гыч 3-шо октябрь марте эрта. 19 регион гыч толшо марий делегат- влак Шкетан лӱмеш марий калыкле драма театрыште вашлийыт. Республикын мер-политик рӱдерыштыже форумым эртарыме шотышто штаб пашам ышта. Варарак тудо Шкетан театрыш кусна. Марий калык ончылно пӱсын шогышо йодыш- влакым делегат да уна- влак вич секцийыште каҥашаш тӱҥалыт. Тиде: «Марий юмынйӱла», «Калыкын ончыкылыкшо», «Ял да ола», «Еш, туныктымо паша, шочмо йылме» да «Мер паша».
