Марий Кугыжаныш университетыште йочам жаплан кодымо пӧлем почылтын
Марий Кугыжаныш университетыште йочам жаплан кодымо пӧлем почылтын. 2024-ше ийын октябрьыште МарГУ «Авалан тунемаш полшо» конкурсышто сеҥышыш лектын да ик миллионат 730 тӱжем теҥге окса полышым налын. Тиде тӱҥалтыш кышкарыште Марий университетыште йочам жаплан кодымо пӧлемым ыштыме. Тидыже ятыр тунемше авалан кугу полыш лиеш. Проект тунеммашым, пашам, ава сомылым ик жапыштак шукышо преподаватель да студент- влакын тӱкнымӧ пӱсын шогышо йодышым решатлаш виктаралтын. Комнате 3 гыч 7 ияш марте йоча- влакым ончаш чыла кӱлешан дене пойдарыме: шарикан бассейн, модмо ӱстембал, вургемлан шкаф, телевизор, диван, душ пӧлем улыт. Университет негызеш тыгай пӧлем- влакым ыштымаш самырык еш- влаклан ӱшаным шочыкта: самырык ача-ава семын шинчымашым налаш- йӧршынат неле огыл да ончыкылыкшат уло.
Фото: МарГУ.
Фото: МарГУ.
