Уремыште корно чот ияҥын да ягылген
Уремыште корно чот ияҥын да ягылген. Сандене республикысе социал службо- влак илалше- влаклан уремыш лекташ огыт темле. Республикысе паша да социал аралтыш министерстве ветеран, пенсионер, илалше, начаррак тазалыкан- влак деке йодмаш дене лектын: йол чот мунчалтымылан кӧра, эмганаш огыл манын, уремыш лекде мӧҥгыштак лияш темлалтеш. Ола ден районлаште социал службын специалистше- влак мӧҥгышкӧ кочкыш сатум, эмым, эн ончыч кӱлешан средствым конден пуэн, врач деке ужатен кертыт. Полышым муниципал образованийласе шокшо линийын телефонжо дене йодаш лиеш. Мутлан, Йошкар-Олаште тиде- «Оласе калыкым социал обслуживатлыме комплексный рӱдер». Телефонжо- влак: 41-82-72, але 63-08-07.
Фото: Михаил Винокуров.
Фото: Михаил Винокуров.
