Марий Паркыште пашаче совещаний эртен

Марий Паркыште пашаче совещаний эртен
              Марий Паркыште пашаче совещаний эртен. Тудым тӱзландарыме пашам вияҥден колташ кӱлеш. Тыгай кӱштымашым пуэн мэрын сомылжым шуктышо Антон Трудинов таче объектыш мийымыже годым. Посна тӱткышым пашан качествыжлан ойыраш кӱштен. Мер контроль группын еҥже Евгения Глушкова проектировщик организацийын да муниципал заказ дирекцийын еҥышт дене мутланен да палемден: у парк оласе калыкым да уна- влакым кумылаҥден шогышо каныме вер лийшаш. Сандене пашам ответственно ышташ, кӱлеш годым ешартыш вийым ӱжаш кӱлеш манын. Кызыт каныме верым калыкле стиль дене тӱзландарыме паша кая. Тушто тротуар ден йолешке корно- влакым ыштыме, теҥгыл ден лӱҥгалтышым да моло архитектура формым вераҥдыме. Сцене воктене куштымо площадке, кастене парк кумдыкым оҥай светильник- влак волгалтараш тӱҥалыт. Кажне муниципалитетлан посна стенд лиеш. Тушто район- влак да ола округ нерген увер вераҥдалтеш, чылаже 17 стендым вераҥдыме. Антон Трудинов палемден: объектым олан кечыжлан мучашлаш кӱлеш. Июль мучашлан тудо ямде гаяк лийшаш.
           Фото: Йошкар-Ола администраций.

Прошлые выпуски