Теҥгече йоча- влаклан Ломоносов лӱмеш лицейыште 6-шо «Кванториум» технопарк почылтын
Республикыште теҥгече йоча- влаклан Ломоносов лӱмеш лицейыште 6-шо «Кванториум» технопарк почылтын. Технопаркым почмаш «Кызытсе школ» федерал проектым шыҥдарымашын ужашыже улеш. Туныктыш министр Лариса Ревуцкая палемден: «Кванториум» цифран экономике жапыште ӱдыр-рвезе- влаклан у моштымашым налме да шкем ончыктымо вер лийын кертеш. Технопарк кызытсе лабораторий ден качестван оборудованиян класс- влакым ушен шога. Нунылан кӧра биологий, физике, робототехнике дене тунемаш йӧнанрак, а урок деч ӧрдыжсӧ паша поянрак лиеш. Йоча- влак «Айдеме организмын тайныже», «Практик химий», «Физике мемнан йыр», «Хайтек», «Нанотӱняш икымше ошкыл- влак», «Роббо», «Роботлаб», «Кум Д моделированийын негызше» курс- влакым тунем кертыт. Республикысе технопаркла негызеш тӱжемат 600 ученик естественно-научный да технологий корно дене, 727 йоча ешартыш программым тунемыт.- палемда туныктыш министерстве.
Фото: Туныктыш министерстве.
Фото: Туныктыш министерстве.
