Марий Турек районын администрацийже 45 миллион теҥге грантым сеҥен налын

Марий Турек районын администрацийже 45 миллион теҥге грантым сеҥен налын
              Марий Турек районын администрацийже 45 миллион теҥге грантым сеҥен налын. Российын экономик вияҥмаш министрже  Максим Решетников кок номинацийын- «Муниципал образованийлан калыкше дене пайдале вашкылым ыштымаш, верласе мер самоуправленийым вияҥдымаш» да «Муниципал экономик политике ден муниципал финансым виктарымаш» корно дене 20 призёрым наградаитлен. Саламлыме- влак коклаште Марий Турек ола шотан илемат уло. Максим Решетников Марий Турек посёлко администрацийым вуйлатыше Алексей Майоровлан «Эн сай муниципал практике» Россий кӱкшытан конкурсышто сеҥымылан дипломым кучыктен. 45 миллион теҥгеаш грант- тиде районын кок ияш бюджетше манаш лиеш. Окса верысе йодыш- влакым виктараш пуалтеш. Шийвундо дене шушаш ийын районын 100 ияш лӱмгечыжлан Марий Турекысе рӱдӧ паркым тӱзландараш палемдыме.
             Фото: Марий Элын экономик вияҥмаш министерствыже.

Прошлые выпуски