Марий Элым вуйлатыше Куженер да У Торъял районлаште илыше- влакын тазалыкаралтышым вияҥдыме нерген йодышыштлан вашештен

Марий Элым вуйлатыше Куженер да У Торъял районлаште илыше- влакын тазалыкаралтышым вияҥдыме нерген йодышыштлан вашештен
            Марий Элым вуйлатыше Куженер да У Торъял районлаште илыше- влакын медицина полыш да тазалыкаралтышым вияҥдыме нерген йодышыштлан вашештен. Тудо районлаш паша дене мийымыже годым медицина пашаеҥ да калык дене вашлийын. Шуко йодышыжо тазалыкаралтыш дене кылдалтын. Молан манан гын, верысе калыкым кок районысо эмлыме верым Шернур районысо рӱдӧ эмлыме вер деке ушымо нерген увер тургыжландарен. Калыклан умылтарыме: ушымаш дене врач, медшӱжар, фельдшер- влак огыт шагалем, нуным паша гыч огыт колто, мӧҥгешла специализированный медицина полыш йӧнанрак лиеш, эмлыме вер ден ФАП-лан материально- технический базышт саемеш. Южыжо палемденыт: коллектив пырля пашам ыштен тунемын, ик команде семын келшен тыршат, нимат ынже вашталт ыле маныт. Глава рашемден: иктымат паша гыч огына колто, пужен ыштымаш лач организаций да юридический ужашым гына тӱка, а пациент- влак ешартыш йӧным да сай качестван медицина полышым налыт. Те вес коллективыш огыда кай, нигуш огыда кусно. Кузе пашам ыштенда, тугак ышташ тӱҥалыда, шкенданак пациентда- влак толыт. Нимогай кӱрылтыш ынже лий манын тыршаш тӱҥалына, каласен республикым вуйлатыше. Ушымаш тыгак аҥышыр профилян специалист- влакым ӱжаш йӧным пуа, кум медицина тӧнежын мобильный комплексыштлан тора яллашке профилактике осмотрым ышташ кошташ полша, пашадарыштат сай велыш вашталтеш, У Торъялыште эше реабилитаций пӧлка почылтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски