Республикысе колоний- поселенийыште саскам вакуум упаковкышто консервироватлыме оборудованийым пашаш колтымо
Республикысе колоний- поселенийыште саскам вакуум упаковкышто консервироватлыме оборудованийым пашаш колтымо. Тыгай тарыште эрыктыме кешыр, шоган, пареҥге 15 сутка мучко аралалт кертеш, а кылмыкташ гын, кок ий марте. Шымше номеран колоний-поселенийыште ик ий утла саскам консервироватлыме цех пашам ышта. Йодмаш пурымо почеш тушто шоганым, киярым, помидорым мариноватленыт, ковыштам шинчалтеныт, шӱрлан консервироватлыме концентрат- влакым ямдыленыт. Тыге южгунам шӱдӧ тонн утла ямде сатум колтеныт. Тӱҥ шотышто продукций дене элысе уголовно-исполнительный системын тӧнежше- влак пайдаланат. Тоннат пеле заправкым лӱмын эртарыме сар операцийыш наҥгаяш ОНФ пӧлкалан пуымо. Производство куатым кумдаҥдаш манын цехыш вакуум упаковко дене консервироватлыме у аппаратым шынденыт. Саскам мехпанически эрыктымеке кодшо чыржым кид дене эрыктат. Изиш ӱмбалжым коштымеке кум килоан пакетлашке оптат, аппарат южшым тулен луктеш да паятлен шында. Тыгай брикет тыглай холодильникыште 15 сутка марте аралалтеш, кылмыктыме пӧлкаште кок ий марте. У участке пашам тӱҥалын веле. Кызыт ик фермер дене пашам ыштат, шуко огыл, арняш ик тонн наре веле. Пашазе- влак шукыракат ыштен кертына маныт. Эше шӱрлан концентратым вакуум упаковкеш ышташ шонат. Тымарте янда банкым кучылтыт ыле. Тидыже логистикым куштылемда да акым шулдештара. Лишыл жапыште «Пакетан борщым» луктын ончынешт.
Фото: УФСИН пресс-служба.
Фото: УФСИН пресс-служба.
