Марий йылмым кугыжаныш йылме семын тунемше- влакын чотышт ешаралтын
Марий Элыште марий йылмым кугыжаныш йылме семын тунемше- влакын чотышт ешаралтын да 12 процентыш шуын. Тенийсе ийын лектышыже почеш тудо 9,8 процент гыч 12 процент марте кушкын. Тыгай данныйым Чуваший Госсоветын да Марий Эл Кугыжаныш Погынын комитетлаштын иквереш эртарыме заседанийыштышт Чебоксар олаште туныктыш министрын алмаштышыде Валентина Гаврилова ончыктен. Марий йылме кугыжаныш йылме семынат туныкталтеш. Тений тиде 12 процент - тунемше- влакын тӱшка чотышт деч. Школ- влакым ончалаш гын, тиде республикысе 79 школ. Тений тунемше- влак ешаралтыныт: кодшо ийын 9,8 процент гына лийын гын, тений 12 процентыш шуын,- каласен тудо. Кок кундемысе законодатель- влакын вашлиймашышт шочмо йылмым арален кодымо да вияҥдыме йодышлан пӧлеклалтын. 2020-шо ийысе калык перепись почеш Российысе регионлаште 337 тӱжем еҥ марий йылмым пала. Эн шуко- 164 тӱжемат 400 еҥ- Марий Элыште.
Фото: Надежда Васканова / ВКонтакте\Кидшер
Фото: Надежда Васканова / ВКонтакте\Кидшер
