Тений «Васюки-Фест» 16-шо гыч 18-ше июль марте эрта

Тений «Васюки-Фест» 16-шо гыч 18-ше июль марте эрта
          Тений «Васюки-Фест» 16-шо гыч 18-ше июль марте эрта. Тидын нерген Владимир Халюзинын Козьмодемьянскыш паша дене мийымыже деч вара пале лийын. Теҥгече Владимир Халюзин промышленность, экономически вияҥмаш да торговля министерствын командыже дене пырля да бизнеслан полшышо тӧнежлам вуйлатыше- влак дене Козьмодемьянскыште лийын.
            Олан мэрже Михаил Козловын полшымыжо дене верысе амалкалче- влак дене виш вашлиймаш эртен. Тушто бизнесым поддержатлыме мера, амалкалче чолгалыкым вияҥдыме у тӱҥалтыш да инвестиций климатым вияҥдыме йодыш- влакым каҥашеныт. Тӱҥжӧ ме мӧҥгешла кылым колна. Оласе амалкалче- влак нелылык нерген чон почын ойленыт. Тидыже путырак шерге. Ӱшандарен каласынем: ик йодышат, ик темлымашат тӱткыш деч посна  ок код. Бизнес мом каласен гын, чыла лончылымо лиеш,- возен Владимир Халюзин шке социал вотлаштыже. Мийымын эше ик цельже- «Васюки-Фест» фестивальлан ямдылалтмаш лийын. Тудо тений Чыкма олаште 16-шо гыч 18-ше июль марте лиеш. Чолган каҥашыме деч вара ятыр шонымаш шочын. Нунын дене пашам ышташ тӱналме. Нунылан кӧра фестиваль эше кугурак лиеш да кажне участниклан мондаш лийдыме кумылым пӧлекла.
            Фото: В.Халюзинын ВК лаштыкше.

Прошлые выпуски