Максим Волков адакат шахмат дене кугу таҥасымашыште сеҥыше- влак радамыш логалын
Москошто писе шахмат дене йоча турнир эртен. Тушто Йошкар-Ола гыч шахматист Максим Волков призовой верым сеҥен налын. Икмыняр кече Российын рӱдӧ олаштыже лӱмлӧ тренер Марк Дворецкийым шарныме лӱмеш писе шахмат дене турнир эртен. Тушто кӱкшӧ таҥасымашлаште - Российын, Тӱнян да Европын первенствылаштыже сеҥыше да призёр- влак мастарлыкыштым ончыктеныт. Марий Элысе шахмат федерацийын увертарымыж почеш, Максим Волков шкенжым пеш ӱшанлын ончыктен да кумшо верым сеҥен налын.
