Медведево ден Моркышто наркотик дене верештыныт
Медведево ден Моркышто еҥ- влакым наркотик дене верештыныт. Полиций пашаеҥ- влак кок районышто наркотикым шаркалыме шотышто осал пашам ышташ шонышо- влакым кученыт. Пурышо уверым тергыме годым, Медведево посёлкышто 37 ияш пӧреҥым чареныт. Тергыме годым тудын пеленже 9 грамм утла веществам верештыныт. Тергымаш синтетикан наркотик улмыжым пеҥгыдемден. Уголовный пашам тарватыме. Тудын почеш 20 ий марте эрык деч посна коден кертыт. Моркышто наркополицейский- влак полицийын участковыйжо дене пырля наркотикан кушкылым аралышым чареныт. Рашемдыме: ондак судитлалтше 38 ияш пӧръеҥ мӧҥгыштыжӧ кыне вондын коштымо шудыжым арален. Шымлыме почеш тудо шудым шкаланже шапашлен. Тыгак уголовный пашам тӱҥалме.
