Марий Элыште кылме черлан кӧра мероприятий- влакым чарыме нерген увертарыме
Марий Элыште кылме черлан кӧра 12-шо февраль гыч мероприятий- влакым чарымашым пуртымо. Тидын шотышто Республикысе Правительствыште санитарно- противоэпидемический комиссийын заседанийже лийын. Республикысе Кугыжаныш тӱҥ санитар врач Светлана Булатован мутшо почеш республикыште черланымаш эпидемий кӱкшыт деч 33 процентлан шукырак. Черланыше кокла гыч 61 процентше 14 ияш марте йоча- влак улыт. 20 еҥлан грипп чер пижын. Ятыр школысо класс ден йоча садласе группылаште занятийым жаплан чарыме ыле. Эпидемиологий ситуацийым шотыш налын, 12-шо февраль гыч республикысе чыла административный кундемлаште тӱшка мероприятийым чараш манын увертарыме.
