Теҥгече Йошкар-Олаште 10-шо шанче фестиваль эртен

Теҥгече Йошкар-Олаште республикым вуйлатыше Александр Евстифеев 10-шо шанче фестивальым почын. Лӱмгече форум шанчыеҥ да изобретатель- влакым иквереш, Республикысе курчак театрыш чумырен. Театр деке лишемме годымак республикысе вуз- влакын сеҥымашыштым, шанчыеҥ- влакын ыштыме специализированный техникым ончыктышо выставке верланен. Театрын фойештыже тӱрлӧ стенд кумылым савырен. Кажныжым Александр Евстифеев ончен-шымлен лектын, вуйлатыше да разработкым ыштыше- влак дене мутланен, ойыртемыштым умылкален. А сценыште шанче фестивальым торжественно почмаш тӱҥалын. Погынышо- влакым Александр Евстифеев саламлен. Тудо шкежат юридический наукын докторжо улеш. Тудын мутшо почеш шанчыеҥ- влакым чапландарыме да шанче пашалан иктешлымашым ыштыме деч посна, фестиваль шымлыме пашашке талантан самырык тукымым ушаш, инноваций сеҥымашым ончык колташ, шанче ден туныктымо пашан да экономикын кылыштым вияҥдаш, туныктышо ден шанчыеҥ- влакын чапыштым нӧлташ полша. Лӱмгече, 10-шо фестивальлан республикым вуйлатыше чапле тӱналтышым, а участник- влаклан у открытий ден решений- влакым тыланен да лӱмлӧ учёный- влаклан кӱкшӧ наградым кучыктен.

Прошлые выпуски