Йошкар-Олаште бокс дене олан первенствыже эрта
Йошкар-Олаште бокс дене олан первенствыже эрта. Республикын бокс федерацийже воин-афганец- влаклан пӧлеклалтше 25-ше турнир кышакрыште рвезе- влак коклаште бокс дене олан первенствыжым эртара. Тушко Российын 7 кундемже гыч: Марий Эл, Киров, Кострома, Угарман областьла, Татарстан, Чуваш республикыла, Ненец автоном округ гыч 200 наре спортсмен ушнен. Таҥасымаш Торгово- технологий колледжыште эртаралтеш да таче сеҥыше- влак рашемыт.
