Михаил Мурашко ден Юрий Зайцев икымше номеран медсанчастьын уэмдыме поликлиникыжым акленыт
Российын тазалыкаралтыш министрже ден Марий Элым вуйлатышын пашажым шуктышо икымше номеран медсанчастьын уэмдыме поликлиникыжым акленыт. Михаил Мурашко ден Юрий Зайцев поликлиникын уэмдыме пӧлемже- влакым ончен лектыныт да персонал ден пациент- влак дене мутланеныт. Эмлыме тӧнежын тӱҥ варчше Алла Чумакован мутшо почеш, 2021-ше ийыште тӧнежыш у медицина оборудованийым шындыме. 2025-ше ий марте эше 43 миллион теҥгелан кум оборудованийым кондышаш улыт. Тиддеч посна инфоматым, черлым кушко виктарен колтымо йӧнан системым ыштыме. Тидыже пациент- влаклан жапым аныклаш полша.
Россий тазалыкаралтыш министр поликлиникым цифран йӧныш кусарымаш первичный медико-санитар полышын у модельжын тӱҥ ужашыже манын. Тидымат ешарен: регионышто шыҥдарыме системе почеш инфаркт але инсульт дене черланыше- влак стационар гыч лекмышт годым эмым пеленышт пуэн колтат да участковый врач нуным умбакыже эскера. Тиддеч посна калыклан диспансеризацийым эртарат. Тидыже коронавирус дене черланен лекше- влаклан поснак кӱлешан. Ковид шке кышажым кода. Сандене тудын кугытшым рашемдыман да врачын темлымашыжым налман. Медицина пашаеҥ- влак тиде протоколым шуктышаш улыт, а пациент- влаклан шке тазалыкышт верч тургыжланаш да жапыштыже диспансеризацийым эрташ темлена,- каласен тазалыкаралтыш министр.
Тиде поликлиникыште 25 тӱжем утла еҥ эскералтеш. Тӧнеж ик сменыште 650 еҥым ончен кертеш. Лу терапевт участке да кок тӱшка практике участке пашам ыштат.
Фото: Марий Элым вуйлатышын организаций да аналитик виктемже.
Россий тазалыкаралтыш министр поликлиникым цифран йӧныш кусарымаш первичный медико-санитар полышын у модельжын тӱҥ ужашыже манын. Тидымат ешарен: регионышто шыҥдарыме системе почеш инфаркт але инсульт дене черланыше- влак стационар гыч лекмышт годым эмым пеленышт пуэн колтат да участковый врач нуным умбакыже эскера. Тиддеч посна калыклан диспансеризацийым эртарат. Тидыже коронавирус дене черланен лекше- влаклан поснак кӱлешан. Ковид шке кышажым кода. Сандене тудын кугытшым рашемдыман да врачын темлымашыжым налман. Медицина пашаеҥ- влак тиде протоколым шуктышаш улыт, а пациент- влаклан шке тазалыкышт верч тургыжланаш да жапыштыже диспансеризацийым эрташ темлена,- каласен тазалыкаралтыш министр.
Тиде поликлиникыште 25 тӱжем утла еҥ эскералтеш. Тӧнеж ик сменыште 650 еҥым ончен кертеш. Лу терапевт участке да кок тӱшка практике участке пашам ыштат.
Фото: Марий Элым вуйлатышын организаций да аналитик виктемже.
