Росгвардийын Марий Элысе виктемжын подразделенийже- влак боевой задачым чаплын шуктат
Росгвардийын Марий Элысе виктемжын посна подразделенийже- влак боевой задачым чаплын шуктат. Теҥгече Марий Элым вуйлатышын пашажым шуктышо Юрий Зайцев Юл кундем округысо калыкле гвардий войскан командующийже, генерал- полковник Александр Порядин дене вашлиймашым эртарен. Нуно республике кундемыште правопорядке йодышым да элнан Президентше, Россий Вооружённый вийын Верховный главнокомандующийже Владимир Путинын шындыме задаче- влакым кузе шуктымым каҥашеныт. Мемнан чыла 14 субъектыштат кучем орган ден силовой блок- влак коклаште сай вашкылым ыштыме. Кызыт Украине кундемыште задачым шуктена. Марий Эл гыч ОМОН ден СОБР-ын вийже Луганск ден Донецк республикылаште да моло кундемыште задачым чаплын шуктат,- каласен Александр Порядин. Мый личный составлан тауштымашым увертаренам да колышт лектын, мо кӱлешым шкаланем палемдышым. Ме умбакыжат мо кӱлешым шукташ тӱҥалына,- ешарен тудо.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
