Первичный медико-санитар полышын 7 объектшым чоҥаш палемдыме, 13-ытшо капитально олмыкталтшаш
Республикыштына первичный медико-санитар полышын 7 объектшым чоҥаш палемдыме, 13-ытшо капитально олмыкталтшаш. Тидын нерген Российын тазалыкаралтыш министрже Михаил Мурашко республикысе тазалыкаралтыш тӧнежлашке мийымыже годым ойлен. Тудо республикым вуйлатышын пашажым шуктышо Юрий Зайцев дене пырля Краснооктябрьскысе врач амбулаторийым чоҥымашке миеныт. Чоҥашлан 47 миллион наре теҥге оксам ойырымо. Шыжылан чоҥымо паша мучашлалтшаш. Тиде районышто «Земский доктор» программе кышкарыште кодшо ийын кум специалист пашам ышташ тӱҥалын. Кызыт тыште медперсоналын пӱтынь штатше ситыше. Тышке интернет пурталтеш, цифран оборудований телемедицина консультацийым эртараш йоным пуа. Модернизаций жапыште республикыште первичный медико-санитар полышын 7 объектшым чоҥаш палемдыме, 13-шо капитально олмыкталтшаш, - каласен Михаил Мурашко. Юрий Зайцев увертарен: каласыме объект- влак шотышто чыла гаяк контрактым пеҥгыдемдыме, подрядчик- влакым ойырымо, кӱлеш оборудованийым налме шотыштат задаче раш. Краснооктябрьскысе врач амбулаторий ныл илемым обслуживатла- шке посёлкыжым, Изи, Кыдал да Кугу Шап ял- влакым. Чылаже кум тӱжемат 700 утла еҥ. Нунын кокла гыч 679-ыже йоча- влак улыт. Амбулаторий ик сменыште 49 еҥым ончен кертеш.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
