Республикыштына Марий Тиште кечым палемдыме
Республикыштына Марий Тиште кечым палемдыме. Шкетан лӱмеш калыкле драма театрыште эртыше пайрем мероприятийыште Марий Элым вуйлатыше Юрий Зайцев учствоватлен. Тудо «Талукын книгаже» выставкым ончен лектын. Мероприятий кышкарыште тудо марий ойым умылышо йӱкан полышкалышым ышташ разработко да аудио ден видео контентым автоматически кусарыме системе дене палыме лийын. Погынышо- влакым саламлышыла тудо палемден: йылме- тиде историйым, уло калыкын поянлыкшым, йӱлажым аралыше улеш. Марий йылме официальный документын, тӱвыран, шанчын, сылнымутын да публицистикын йылмыже улеш. Тудым школ деч ончычсо тоҥеж ден тунемме органиазцийлаште шымлат.
Тыгак сӱретче Сергей Алдушкинлан «Россий Федерацийын сулло сӱретчыже» Чап лӱмым увертарыме. Россий писатель- влак ушемын регионысо пӧлкажын еҥже Зоя Глушковалан «Марий Эл Республикын калык писательже» Чап лӱмым пуымо. Правительствын Чап грамотыжо дене «Кугарня» Газет» кугыжаныш унитар предприятийын директоржо Эдуард Иманаевым палемдыме. Юрий Зайцев ешарен: Республикын Правительствыже марий йылмым вияҥдаш да шарен колташ, ятыр курымла дене толшо тӱвыра да шӱм-чон йӱлажым республикыште гына огыл, марий- влакын тӱшкан илыме кундемлаштат арален кодаш уло куатшым пышта.
Фото: Марий Элым вуйлатышын администрацийжын увер дене пашам ыштыше пӧлкаже.
Тыгак сӱретче Сергей Алдушкинлан «Россий Федерацийын сулло сӱретчыже» Чап лӱмым увертарыме. Россий писатель- влак ушемын регионысо пӧлкажын еҥже Зоя Глушковалан «Марий Эл Республикын калык писательже» Чап лӱмым пуымо. Правительствын Чап грамотыжо дене «Кугарня» Газет» кугыжаныш унитар предприятийын директоржо Эдуард Иманаевым палемдыме. Юрий Зайцев ешарен: Республикын Правительствыже марий йылмым вияҥдаш да шарен колташ, ятыр курымла дене толшо тӱвыра да шӱм-чон йӱлажым республикыште гына огыл, марий- влакын тӱшкан илыме кундемлаштат арален кодаш уло куатшым пышта.
Фото: Марий Элым вуйлатышын администрацийжын увер дене пашам ыштыше пӧлкаже.
