Морко районышто Ировка эҥер гоч пу кӱвар олмеш чаплым ыштен шындат
Морко районышто Ировка эҥер гоч пу кӱвар олмеш чаплым ыштен шындат. Корно дене кылдалтше калыкле проект почеш «Кӧкрем- Петровский» корнышто Ировка эҥер гоч кӱварым чоҥымо паша мучашлалтеш. Тымарте тушто 1963-шо ийыште чоҥымо пу кӱвар лийын. Тудо шуко да неле транспортым чытыде ятыр гана пудырген, а район рӱдыш кайыме ик корно гына улмаш. Объектым вес ийын сдатлаш шонат. Тӱҥ пашажым тиде тылзын мучашлышаш улыт. Кызыт жаплан ыштыме йыргорным рончат да откос- влакым ямдылат. «Марий Элысе корно- влак» тӱшкаште палемдыме почеш, кӱварым чоҥымо годым экологий йодышымат виктарен колтымо. Вӱд поянлыкым арален кодаш манын, эҥерыш вич тӱжемат 800 утла тыгыде колым колтымо.
Фото: «Марий Элысе корно- влак».
Фото: «Марий Элысе корно- влак».
