Шым тонн утла спиртым поген налме

Республикысе МВД-н коррупций ваштареш кучедалше виктемжын пашаеҥже- влак оперативно-кычалме мероприятийым эртарыме годым 56 ияш ӱдырамашым кученыт. Тудо шке машинаж дене лицензий деч посна спиртан продукцийым наҥгая улмаш. Тудын гаражыштыже эше кугу тӱшка шолып сатум верештме. Правам аралыше орган- влак чылаже ныл миллионат 600 тӱжем теҥгеаш шым тоннат пеле этил спиртым поген налыныт. Рашемдыме: тудо Угарман областьыште кугу тӱшка дене спиртым налын да рӱдӧ олаштына ужалаш шонен. Уголовный пашам тарватыме. Тудым вич ийлан эрык деч посна коден кертыт.

Прошлые выпуски