Волжск олаште 123 миллион теҥгелан паркым чоҥат

Республикысе ик олаште 123 миллион теҥгелан паркым чоҥат. Волжск ола йонан оласе кумдыкым ыштыме шотышто Российысе 4-ше конкурсышто сеҥышыш лектын ыле. Республике таҥасымашке «Тумер: Оласе тӱвыран да экологийын паркше» Волжск олан проектшым колтен ыле. Тыге 2021-ше 2022-шо ийлаште Волжскышто 112 тӱжем утла квадрат метр кумдыкан у парк лийшаш. Тиде пашалан 123 миллион утла теҥге окса кучылталтшаш. Тиде кундемыште Тумер да олык верланен. Тиде кумдык калык коштмо, тумо вожым да тыгыде пушеҥгым тошкымо деч аралалтеш. Тудын кундемышкыже печен налме экологий йолгорно дене пураш келыштаралтеш. Парк кундемыште пляж, каныме, пайремлыме, пушым вӱдыш волтымо вер лиеш. Тыгак мероприятйым эртараш сценым ыштат, спорт площадке, йоча модмо вер лийшаш улыт. 2022-шо ийлан пашам мучашлаш палемдыме.

Прошлые выпуски