Шинчымаш кечын Марий Элыш Константин Косачёв толын

Шинчымаш кечын Марий Элыш Константин Косачёв толын. Федераций Советын тӱнямбал кыл шотышто комитетшым вуйлатыше, Федераций Советыште Марий Эл правительствын представительже Константин Косачёв республикым вуйлатыше Александр Евстифеев да правительствын еҥже- влак дене Йошкар-Олаште у школым почмаште лийын. 31-ше школым «Образование» калыкле проект кышкарыште чоҥымо. Парламентарий погынышо- влакым тиде кӱлешан событий дене саламлен да тунемше- влаклан у шинчымашым, ача-ава- влаклан шке йочаштлан ӱшанымашым, туныктышо- влаклан профессионал сеҥымашым тыланен. Регионышто паша дене коштмо жапыште Константин Косачёв тыгак Марий университетын тӱвыра институтшын икымше курсыш толшо студентше- влакым саламлен. МарГУ-н почётан профессоржо палемден: университетын кӱкшӧ квалификациян специалистым ямдылаш чыла йӧнжӧ уло. Тиддеч вара «Тӱнямбал кыл» корно дене тунемаш пурышо- влаклан студент билетым кучыктен, тӱнямбал политике нерген виш лекцйиым лудын, йодыш- влаклан вашештен.

Прошлые выпуски