Районысо школышто шахмат дене модаш туныктат

Шернур районысо школышто шахмат дене модаш туныкташ тӱҥалыт. Ешартыш шинчымашым пуымо шотышто ача-ава- влак кок тӱшкалан шелалтыт, очыни. Иктыже тудым утылан шотла, весыже кӱлешан, йочан моштымашыжым рашемдаш полша манеш. Ешартыш занятийлаште йоча- влак мо нунылан келша, тудым ышташ тыршат. Шернур районышто «Кажне йочан сеҥымашыже» федерал проект шыҥдаралтеш. Тудо ешартыш шинчымашым пуымо пашам   вияҥдаш виктаралтын. Тиде программым шыҥдарыме кышкарыште Шернурысо 1-ше номеран школышто кок корным виктараш тӱҥалыт. Иктыже- социал- педагогик- тушто тӱрлӧ патриот клуб да отряд- влак пашам ыштат. Мутлан, «Лӱдыкшыдымылык школ» пашам ышта. Тудым ОБЖ-м туныктышо Руслан Паймаков вӱда. У оборудованийым налме. Кокымшо корныжо- физкультура да спорт дене кылдалтын. Тушто йоча- влак шахмат дене модаш тунемыт. Икмыняр комплект шахматым, шагатым, посна ӱстелым, ончыктымо шахмат оҥам налме, шинчымашым Кристина Мокеева пуа. Аналитик- влакын ончыктымышт почеш, Российыштат, йот эллаштат шахмат дене модшо йоча- влак 30-40 процентлан сайрак шинчымашым ончыктат.

Прошлые выпуски