Октябрьыште- «Пеледыш пайрем»

Йошкар-Олаште «Пеледыш пайремым» икымше октябрьыште эртараш палемдыме. Тыгеже, содыки, тудо лиеш. Марий тӱвыра рӱдерын увертарымыж почеш, пайрем мероприятий- влак очный да заочный йӧн дене эртат. Онлайн формат дене ныл конкурс мероприятий лиеш. Тиде- «Кудо», Шокталте гармонетым», Эх, марий вате», «Мастар кид» конкурс- влак. Нуным  видеопрезентаций почеш аклаш тӱҥалыт. Онлайн режимыштак «Калык чон» концерт лиеш. «Сылнымут унагудыш» самырык да профессионал поэт, шке мурым возышо да мурышо- влакым ӱжыт. Тудыжо 30-шо сентябрьыште «Марий» сийгудышто эрта. Пайремын иктешлыше мероприятийже 1-ше октябрьыште Йошкар-Олаште Марий калыкын 11-ше погынжым эртарыме кышкарыште лиеш.

Прошлые выпуски