Йошкар-Олаште яра экскурсийыш ушнаш лиеш

Рушарнян 27-ше сентябрьыште туризмын кечыже палемдалтеш. Тиде кечын рӱдӧ олаште илыше- влак да уна шамыч олан историй ужашлашкыже оксам тӱлыде театрализованный экскурсий дене коштын, ола нерген оҥай увер- влакым пален налын кертыт. Мутлан, Большой урем нерген колында мо? 19-ше курым нерген Матрёна Ивановна Корепова каласкала. Путешествий 11 шагатлан тӱҥалеш. Лоренцо Медичи, Грейс Келли, Рембрандт Харменс ван Рейн, царь Фёдор Иоаннович. Мо нуным Йошкар-Олашке чумырен. Тидын нерген 14 шагатыште пален налаш лиеш. Кажне экскурсий ик шагат шуйна. Экскурсий турист-увер рӱдерын офисше деч тӱҥалеш: Вознесенский уремысе 39-ше пӧрт деч.

Прошлые выпуски