Калыкле проект- влакым шуктымаш-контрольышто

Марий Элым вуйлатыше калыкле проект почеш чоҥалтше объектлаште паша качествым да ыштыме жапым терген шогаш кӱштен. Тидын нерген калыкле проект- влакым шыҥдарыме йодышлан пӧлеклалтше совещанийыште ойлымо. Проект- влакым кузе шуктымылан промышленность министерстве мутым куча. Тазалыкаралтыш министр Марина Панькова чоҥалтше 17 ФАП нерген ойлен. Проект паша мучашлалтын, 14-ытше шотышто келшыше заключенийым налме, кумытшо дене сентябрь мучашыште документаций ямде лиеш. Тыгак санитар авиацийлан тений вертолёт площадкым ыштен шуктышаш улыт. «Юлым тазаҥдымаш» проект почеш кок очистной сооружений чоҥалтеш. Индивидуально вияҥдымем программе почеш Ураев бульвар ден Петров урем ышталтыт. Спорт-туризм министр  изи спорт площадке- влакым чоҥымо, Козьмодемьянск ден Юриныште стадионым ыштыме нерген ойлен. «Туныктыш» проект почеш Руэмыште да Мирный микрорайонышто йоча садым чоҥаш тӱҥалшаш улыт, Волжскышто школын у корпусшо почылтшаш. Тений ныл йоча садым чоҥен пытарышаш улыт. Тыге тӱжемат 10 ешартыш вер почылтеш. Социал вияҥмаш министерстве могырым Красностекловар психоневрологий интернат шыжым ыштен шукталтеш, идалык мучаш марте «Пӱнчер» интернат –пӧртым пужен ыштат. Республикым вуйлатыше чыла объектыштат пашам пистештарен колташ кӱштен.

Прошлые выпуски