Тенийлан корным чоҥаш чыла гаяк контрактым пеҥгыдемдыме

                 Марий Элыште тенийлан корным чоҥаш чыла гаяк контрактым пеҥгыдемдыме. Республикым вуйлатыше Александр Евстифеев Российыште регионлам вияҥдыме шотышто Правительстве комиссий Президиумын заседанийыштыже лийын. Тудым Россий Правительстве председательын алмаштышыже Марат Хуснуллин эртарен. Совещаний видеоконференций формат дене лийын да корным чоҥымо, элысе инфраструктурым вияҥдыме темылан пӧлеклалтын. Хуснуллин палемден: кызыт Россий Федерацийым 2030-шо ий марте социал-экономик вияҥдыме стратегийын проектше ямдылалтеш. Тудым ямдылымаште тӱҥ корно- влакым палемдыме да 4 инициативым рашемдыме: капитальный вложенийым виктарыме у йӧн- чоҥымашым писемдаш у финанс да административный механизмым ыштымаш, элнан транспорт каркасше- автомобиль корнын да транспортын опорный сетьшым вияҥдымаш. Тиддеч посна тышкак мобильный ола пура: калыкым транспорт дене обслуживатлыме системым уэмдымаш, тӱнямбал кӱкшытан транспорт проект- влак- тиде элым вияҥдаш полшышо кугу инфраструктурный проект- влак. Заседанийыш погынышо- влак тыгак элысе субъектлаште корным чоҥаш контрактым ыштыме, отрасльыш цифрым шыҥдарыме йодышым онченыт.
                      Марий Элыште корным чоҥымо да олмыктымо паша графикым ончылтен шукталтеш. Тенийлан палемдыме объект- влак шотышто 98 процент контрактым ыштыме. Тиде показатель дене республике элысе регион- влак коклаште 20-шо верыште улеш. Тиддеч посна 2022-шо 2023-шо ийыште чоҥышаш объект- влак шотышто контрактым пеҥгыдемдымаш кая. Александр Евстифеев палемден: шке жапыштыже контрактым пеҥгыдемдымаш игече йӧным ыштымеке вигак корным чоҥымо пашам тӱҥалаш йӧным пуа.

Прошлые выпуски