«Паллада» парус клубын юнгыжо- влак Марий Элын тӱня йыр коштыктымо тистыжым тоштерыш аралаш пуэныт

«Паллада» парус клубын юнгыжо- влак Марий Элын тистыжым тоштерыш аралаш пуэныт. «Тӱнян парусшо- влак» тӱня йыр савырныме экспедицийыште Марий Элын тистыже «Паллада» парусан суднын бортыштыжо коштын. Кужу иймаш корныш лекме деч ончыч Марий Эл Правительствыште Козьмодемьянскысе парус клубын юнгыжо Роман Михеевлан тистым торжественно кучыктымо. Тудо тӱня йыр экспедицийыште участвоватлен. Экспедиций кодшо ийын икымше ноябрьыште тӱҥалын. 217 кечыште «Паллада» фрегат 24 тӱжем утла теҥыз мильым эртен, Тихий, Атлантик, Индий океан- влак гоч каен, экваторым кок гана вончен. А ынде республикын тистыже «Евсеев лӱмеш калыкле тоштерыште» аралалташ тӱҥалеш.

Прошлые выпуски