Российысе калыкын ӱмыр кужытшо кузе вашталт толеш?

Росстатын аклымыж почеш Российыште 2019-ше ийыште ӱмырын кокла кужытшо 73 ийым эртен. Статистикым ончалаш гын, 1897-ше ийыште Россий империйыште 30 ий утларак лийын. 20-шо курым тӱҥалтышыште тудо кушкаш тӱҥалын, но икымш тӱнямбал сарлан да Граждан сарлан кӧра адак начарештын. Но 20-шо ийлаште саеммаш палдырна. 1926-шо ийыште пӧръеҥ- влак кокла шот дене 40 ийым, ӱдырамаш- влак 45 ийым иленыт. Тыгай лектыш Кугу Ачамланде сар марте шуйнен. Кугу сарын эҥгекшылан кора пӧръеҥ ден ӱдырамаш коклаште ойыртем 9 ийыш шуын. 1959-ше ийыште илышын кужытшо 63 да 71 ийыш шуын. 1986-87 ийлаште аракам чарыме жапыште эшеат кушкын каен- 70 ий марте. Неле 90-шо ийлаште адакат мӧҥгештын. Пӧръеҥ- влак кокла шот дене 57 ийым, ӱдырамаш- влак 71 ийым иленыт. 2006-шо ий гыч пӧръеҥ- влак пенсий ийготыш шумеш иленыт, 2012-шо ийыште 70 ийым эртен, 2018-ше ийыште 72 утла ий лийын. Статистик- влакын прогнозышт почеш, 2020-шо ийыште калыкын илыш кужытшо 73 ийым эртышаш. Пӧръеҥ- влакын 68 ий утла, ӱдырамаш- влакын 78 ий утла. 2035-ше ий марте илыш кужыт 79 ий марте шушаш маныт статистик- влак. Рашырак чотым Российысе у перепись ончыктышаш.

Прошлые выпуски