Таче да эрла шочмо йылме- влаклан пӧлеклалтше шанче-практик конференций эрта
Таче да эрла Йошкар-Олаште шочмо йылме- влаклан пӧлеклалтше Россий кӱкшытан шанче-практик конференций эрта. Тудо Сергей Чавайн лӱмеш калыкле книгагудыш еҥ- влакым чумырен. Конференцийым «Мыйын шочмо йылмем» проект кышкарыште Книгагудо кыл шотышто регион- влак кокласе рӱдер калык- влакын пашашт шотышто федерал агентство да ЮНЕСКО-н «Увер чылалан» программыжын Российысе комитетшын полшымыж дене эртара. Проект почеш тений элысе вич кундемыште- Карелийыште, Чувашийыште, Марий Элыште, Сахалин областьыште да Москошто тӱп калык- влакын йылымышт дене кылдалтше йодыш дене кок кечаш мероприятий- влак эртаралтыт. Конференцийыште пленарный заседаний, кок секций да йылме йодыш дене йыргешке ӱстер- влак эртат.
