Статистике диктантыш ушнаш ӱжыт

           Росстат онлайн режим дене статистике грамотностьым тергаш да кажне ийын эртарыме статистике диктантыш ушнаш ӱжеш. Шинчымашым тергаш шонышо- влак ик шагат жапыште 30 йодышлан вашмутым пуат. Темыже- влак тыгай улыт: «Статистика кажне кечын», «Сарысе цифре», «Калык перепись», «Статистикын тӱшка теорийже», «Статистикын историйже». 
               Акцийыш ушнашлан диктантын сайтыштыже регистрацйиым эрташ кӱлеш. Диктант таче тӱҥалын да заданий- влакым 22-шо октябрьын 24 шагат марте ончаш лиеш. А лектышым личный кабинетыште 23-шо октябрьыште пален налаш лиеш. Туштак шарнымашан сертификат вучаш тӱҥалеш. Икымше статистике диктант ӱмаште эртен. Тений тудо вич ийлан ик гана палемдыме Статистикын тӱнямбал кечыжлан пӧлеклалтеш.

Прошлые выпуски