Кылме чер эпидемий кӱкшыт деч шукырак
Кодшо арнян Республикыштына ОРВИ диагнозым вич тӱжем утла еҥлан шындыме. Тидыже эпидемий кӱкшыт деч 44 утла процентлан шукырак. Черланышым 7-14 ияш- влак коклаште вич процентлан, кугурак- влак коклаште 91 процентлан шукырак палемдыме. Грипп черым эше рашемдыме огыл. Йоча- влак коклаште кылме чер шарлымылан кӧра кодшо арнян кок йоча садын кок группыштыжо да ныл школын вич классыштыже занятийым жаплан чарыме ыле. Грипп ваштареш иммунизаций республикыштына умбакыже шуйна. Тымарте 142 тӱжем утла еҥлан прививкым ыштыме. Тидыже 21 процент лиеш.
