Марий Элын парашютистше- влак сеҥышыш лектыныт
Марий Элыште Российын Геройжо Марк Евтюхиным шарныме лӱмеш парашют спорт дене таҥасымаш эртен. ДОСААФ-ын авиационно- спорт клубшо негызеш парашют дене чаткан волен шичме шотышто Россий кӱкшытан таҥасымаш лийын. Тушко 28 спортсмен ушнен. Нунын кокла гыч иктыже тӱнямбал классан спорт мастер, ныл спорт мастер лийыныт. Нуно куд кундем гыч толыныт: Иваново, Курск, Моско, Самара областьла да Татарстан ден Марий Эл гыч. Таҥасымаш жапыште парашют дене 200 утла гана тӧрштеныт.
Курск область гыч ик спортсмен спорт мастерын норматившым шуктен, коктын спорт мастерыш кандидатын нормаившым теменыт. Ӱдырамаш- влак кокла гыч икымше верым Татарстан гыч тӱнямбал классан спорт мастер сеҥен налын. Кокымшо верыш Марий Элысе парашют спорт федерацийым вуйлатыше Ольга Сысоева лектын. Пӧръеҥ- влак коклаште икымше вер Курск областьын спортсменжылан логалын, а Марий Эл гыч Э.Лисов кумшо лийын. Команде- влак коклаште мемнан спортсмен- влак эн тале лийыныт да икымше верым сеҥен налыныт. Кокымшышто Самара областьын командыже, кумшышто Юл кундем округын.
Курск область гыч ик спортсмен спорт мастерын норматившым шуктен, коктын спорт мастерыш кандидатын нормаившым теменыт. Ӱдырамаш- влак кокла гыч икымше верым Татарстан гыч тӱнямбал классан спорт мастер сеҥен налын. Кокымшо верыш Марий Элысе парашют спорт федерацийым вуйлатыше Ольга Сысоева лектын. Пӧръеҥ- влак коклаште икымше вер Курск областьын спортсменжылан логалын, а Марий Эл гыч Э.Лисов кумшо лийын. Команде- влак коклаште мемнан спортсмен- влак эн тале лийыныт да икымше верым сеҥен налыныт. Кокымшышто Самара областьын командыже, кумшышто Юл кундем округын.
