«Мариэнерго» теле жаплан ямдылалтеш
Марий Элым вуйлатышын кӱштымыж почеш, республикысе «Мариэнерго» сад ушемлаште электросетьым кучымо пашам тӧрла. Александр Евстифеев «Россети Центр и Приволжьен» генеральный директорын алмаштышыжын сомылжым шуктышо, «Мариэнерго» филиалым вуйлатыше Сергей Хлусов дене пашаче вашлиймашым эртарен. Каҥашыме ик темыже энергетика комплексым теле жаплан ямдылымаш лийын. Кызыт ямдылалтме паша тичмаш куатын кая, тулым налме резерв вер- влакым, мобильный бригадым, аварийный шапашым ямдылыме. Сергей Хлусов тыгак сад ушем- влак дене пашам ыштыме нерген ойлен. Нуным компанийын балансышкыже налме да кызыт ревизий эртаралтеш. Тыгак кӱштымыда почеш Приволжский посёлкысо ФОК-лан да Йошкар-Оласе у магистральлан тулым ситарыме пашам тӱҥалынна манын тудо. Тиддеч посна республикын 100 ияш лӱмгечыже вашеш ола уремлам сылнын волгалтарыме пашам тӱҥалме, декоративный светильник- влак вераҥдалтыт. Олан тӱҥ ужашыже пӱтынек лампе дене сӧрастарыме лиеш.
