Республикысе районлаште 25 у автобус павильоным ыштат
Республикысе районлаште 25 у автобус павильоным ыштат. «Качестван лӱдыкшыдымӧ корно» калыкле проект кышкарыште корным олмыктымылан гына огыл, корно инфраструктурым ыштымыланат кугу тӱткыш ойыралтеш. Транспорт министерствын уверже почеш, тений 30-шо сентябрь марте 11 районышто 25 у автобус павильон лийшаш. Тиде пашалан республикын бюджетше гыч 16 миллионат 100 тӱжем теҥге оксам ойырымо Контракт почеш вучымо, транспортыш шичме площадке, пеле почмо кӱртньӧбетон автопавильон, урно, теҥгыл- влак лийшаш улыт. Тиддеч посна республикыште вич ийлан автобус павильонлам вашталтыме да вераҥдыме программым ыштыме. Вашталтыме годым кызтысыжын могайрак улмыжым да калыкын мыняр коштмыжым шотыш налыт. Ушештарена: кодшо ийын вич автобус чарналтышым тӱзландарыме ыле.
Фото: Марий Элын УФСИН-же (архив)
Фото: Марий Элын УФСИН-же (архив)
