Пелмарафон Марий Элыш уэш пӧртылеш

            Кок ий чарнен шогымо деч вара Йошкар-Олаш 38-ше ужар пелмарафон пӧртылын. Йӱла семын тудо Олан кечынже 6-шо августышто лиеш Старт тений Чарла Кремль деч пуалтеш. Пелмарафонын тӱҥ корныжо олан историй ужашыже дене эрта. Участник- влак вич меҥге кужытан оҥго дене Вознесений, Пушкин, Комсомол, Кремль уремла, Чавайн бульвар да Воскресенский сер гоч куржын эртат. Йошкар-Оласе пелмарафон тений икымше гана Сбер деч Ужар марафон дене иквереш ушна. Тыге тудым ола администрацийын физкультура, спорт да самырык- влак политике виктемже ден «Сбербанк» пырля ямдылат. Пелмарафонышто тыгай кужыт- влак лийыт: вич меҥге, лу да 21 меҥгат 100 метр. 21 меҥгат 100 метржым кум шагатыште куржын эрташ кӱлеш. Скандинав коштмашын кужытшо- 5 меҥге. Таҥасымаш деч ончыч Чарла кремльыште регистрацийым эртыше- влаклан 4-ше августын 14 гыч 18 шагат марте, 5-ше числан 10 гыч 20 шагат марте оҥеш пижыктыме номерым, сувенир да моло материал дене старт пакетым пуэдат. 6-шо августышто 8 шагатат 45 минутлан пелмарафоным торжественно почмаш, 9 шагатлан йоча- влаклан таҥасыдыме старт, 9 шагатат пелылан 21 меҥгат 100 метрыш, 10 да 5 метрыш старт пуалтеш. Тиде жапыштак скандинав коштмаш дене таҥасымаш тӱҥалеш.
         Фото: Сергей Мимеевын архивше.

Прошлые выпуски