Республикыштына тений 92 меҥге утла кужыт федерал корным олмыктат

           Республикыштына тений 92 меҥге утла кужыт федерал корным олмыктат. Федерал корно агентствын полшымыжо дене автомобиль корнын утларак ужашыжым норматив марте шукташ лиеш. Йшкар-Олаште Марий Элым вуйлатышын пашажым шуктышо Юрий Зайцев Федерал корно агентствым вуйлатыше Роман Новиков дене пашаче вашлиймашым эртарен. Роман Новиков Юрий Зайцевлан да правительствын еҥже- влаклан Корно агентстве пеленысе Общественный советын ордыжсӧ заседанийжым Йошкар-Олаште эртараш келшымыштлан тауштен ойлен да регионлаште лиймаш, субъект- влак дене вашлиймаш, йодыш- влакым рашемдымаш мыланна пеш кӱлешан манын тудо. Тыгак тудо республикыште федерал кӱкшытан 92 меҥге автомобиль корным олмыктышаш план нерген ойлен. Регионысо кӱкшытан корным олмыкташ полшаш шонымаш нергенат каласен.
           Зайцев палемден: тений 301 утла регион кӱкшытан да 22 меҥге утла ола агломерацийысе корным олмыкташ палемдыме. Туге гынат, федерал рӱдерын полышыжо кӱлешан манын. Роман Новиков увертарен: нуно эн ончычак тӱткышым тудо субъект- влалкан ойырат, кушто шке вий дене гына 2025-ше ий марте регионысо сетьым 50 процент марте ыштен огыт керт. Юрий Зайцев ешарен: кызыт 2024-ше ийысе объект- влаклан документаций ямдылалтеш. Заказчик-влак ончылно тений икымше сентябрь марте контрактым ыштен шукташ задачым шындыме.
             Фото: Марий Элым вуйлатышын организаций да аналитик виктемже.

Прошлые выпуски