Школлам капитально олмыктымо пашан жапшым чаткан шукташ задчым шындыме

           Республикым вуйлатышын пашажым шуктышо школлам капитально олмыктымо пашан жапшым чаткан шукташ задчым шынден. У тунемме ий тӱҥалтышлан 12 школым капитально олмыктымо лиеш. Тиде пашалан 371 миллион теҥгем колтымо. Кугу тӱткыш «Шолышто туныктымо системым уэмдымаш» федерал программе дене олмыкталтше куд школлан ойыралтеш. Пашам 28-ше августлан мучашлышаш улыт. Тидын нерген оперативный совещанийыште Юрий Зайцевлан Правительство председательын икымше алмаштышыже Михаил Васютин увертарен. Доклад дене келшышын, у тунемме ийыште 250 тунемме тӧнежыш 85 тӱжем утла икшыве толшаш. Нунын кокла гыч, ончылгоч шотлымо почеш, икымше классыш 9 тӱжемат 800 йоча толшаш. 

          Марий Элым вуйлатышын сомылжым шуктышо школлаште кокымшо ден кумшо смене нерген йодын. Михаил Васютинын мутшо почеш, школлаште кумшо смене лийшаш огыл, а кокымшо смене аралалт кодеш, кызыт ешартыш класс- влакым почмо нерген йодыш каҥашалтеш. У тунемме ийлан йоча садлаштат ямдылалтмаш кая. Икымше июльлан шотлымаште йоча садыште верым налаш куд тӱжемат 609 направленийым пуымо, икымше сентябрь марте эше тӱжемат пелым пуышаш улыт.

             Фото: Марий Элым вуйлатышын организаций да аналитик виктемже.

Прошлые выпуски