Калыкын обращенийже дене пашам ыштымаште ончылно улшо да почеш кодшо- влакым рашемдыме
Калыкын обращенийже дене пашам ыштымаште ончылно улшо да почеш кодшо- влакым рашемдыме. Марий Элым вуйлатышын пашажым шктышо Юрий Зайцевын кӱштымыжӧ почеш Регионым виктарыме рӱдерым вуйлатыше Виктор Трифонов исполнительный кучем орган- влакын мӧҥгешла вашкыл платформо да «Инцидент- менеджмент» системе гоч пурышо обрашений дене кузе пашам ыштымышт нерген увертарен. Июньышто вашмутым икшырымын пуышо влак коклаште Шернур ден Юрино район администраций- влак лийыныт. Вашмутым кужун вучыктышо- влак коклашке тазалыкаралтыш министерстве ден Йошкар-Ола администраций логалыныт. ЦУР-ым вуйлатыше ешарен: вашмутым чаткан да писын пуышо- влак радамыш кугыжаныш илыме вер надзор департамент ден «Марийскавтодор» виктем, Звенигово, Марий Турек, Морко да Юрино район- влак пуреныт. Рейтингын чыла критерийже дене эн шуко баллым Госжилнадзор департамент дене «Марийскавтодор», Советский ден Марий- Турек район администраций- влак погеныт. Тиде статистикым Юрий Зайцев чыла декат намиен шукташ да вашмутым пуымо жапым пудыртымын амалжым рашемдаш кӱштен.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
