Киров уремын пелыжым подряд организаций норматив марте шуктен

              Рӱдӧ оласе Киров уремын машина коштмо ужашыжын пелыжым подряд организаций норматив марте шуктен. Корным Ленин проспект деч Чавайн бульвар марте ыштыме. Тушто бордюр кӱм вашталтыме, у асфальтым шарыме. Ынде черетыште- Чавайн бульвар деч Тыныслык урем марте ужашыже. Киров уремын машина коштмо ужашыже Ленин проспект деч Тыныслык урем марте ик меҥгат 400 метр кужытан. Тудо «Корно сеть» регионысо проект кышкартыште ышталтеш. Пашам «Автодор» ушем шукта. Контрактын акше- 56 миллионат 400 тӱжем утла теҥге. Шушаш ийын федерал проект почеш Киров уремын йолын коштмо ужашыже олмыкталтшаш.
            Фото: «Ваш Новый День» газета.

Прошлые выпуски