Республикысе калык оксам тӱлыде у специальностьым налын кертеш
Республикысе калык оксам тӱлыде у специальностьым налын кертеш. Уэш тунемашлан онлайн- программе- влак дене пайдаланаш лиеш. Тунем лекше- влак у квалификаций нерген документым налыт. Тидыже пашам кычалме годым сай полышым пуа. Элысе калыклан кызыт 24 тӱжем программе темлалтеш. У профессийым очно да оксам тӱлыде налаш лиеш. Тунеммаш «Демографий» калыкле проектын «Пашам муаш полшымаш» федерал проектше кышкарыште эрта. Мемнан республикыште тунеммашлан кум оператор вуйын шога. Тиде: Марий радиомеханический техникум, Марий университет да Россий Президент пеленысе калык озанлык да кугыжаныш службын Российысе академийжын Чебоксарысе филиалже. Республикысе паша да занятось департаментын ончыктымыжо почеш тений у профессийым налаш але квалификацийым нӧлташ 952 еҥым ушаш шонат. Нунын радамыш паша гыч колтымо лӱдыкшӧ радамыште улшо- влак пурат. Тиде – пенсий ийготыш лишем толшо, пашадыме, 35 ияш марте еҥ- влак, 50 ийым эртыше-шамыч, самырык ава- влак. Тенийсе икымше пелийыште занятость службыш уэш тунемаш 717 йодмаш пурен, кызыт 337 еҥ шинчымашым налеш.
