Пенсионер- влакын кумшо спартакиадышт мучашлалтын

Пенсионер- влакын кумшо спартакиадышт мучашлалтын
              Республикыштына пенсионер- влакын кумшо спартакиадышт мучашлалтын. Спорт мероприятий Советский посёлкышто эртен. Стартыш 15 муниципал образований гыч 100 участник лектын. Пенсионер- влак чолгалыкым ончыктен, ӱстембал теннис, шахмат, лӱйкалымаш да дартс дене таҥасеныт. Спартакиадын икымше йыжыҥже 18-ше майыште рӱдӧ олаште эртен. Тунам кумшо ийготан 100 утла спортсмен иймаш да куштылго атлетике дене таҥасен. Сеҥыше ден призёр- влаклан дипломым, медальым, кубкым кучыктымо. Ынде коча- кова- влак вес ийын нылымше спартакиадым вучат. А кумшышто икымше верым Волжск ола ден Волжский район налын. Кокымшо верыш Йошкар-Ола лектын, кумшо вер Параньга районлан логалын.
            Фото: «Вестник района» газет редакций. п.Советский.

Прошлые выпуски