Православий йӱлам кучышо- влакын теҥгече нылле кечаш кугу пӱтышт тӱҥалын

                          Православий йӱлам кучышо- влакын нылле кечаш кугу пӱтышт теҥгече тӱҥалын. Тиде эн пеҥгыде пӱтӧ Кугече деч ончыч 15-ше мартыште тӱҥалын да икымше май марте шуйна. Йӱла почеш тудо кок ужаш гыч шога: шнуй нылле кечыште айдеме кочмам чарен шоген, юмылтен, сулыкым касарен юмо вашеш кая. А уло шӱм-чонан шым кечыште Христос шке еҥ- влак вашеш Шолып кас, Голгофа да Ылыжмаш гоч толеш. Тыге кугу Кугече пайрем палемдалтеш. Пӱтын тӱҥ шонымашыже- вольык да кайык шылым, колым кочмо деч чарнен шогымаш гына огыл, а ӧкынен касаралтын, шке чоным Кугечым вашлияш ямдылымаш. Тиде жапыште кӧранаш, осал шонышым кучаш ок лий, утларак шнуй книгам лудаш да черкыш кошташ темлат. Но пӱтым кучымо годым шке тазалыкым шотыш налаш кӱлеш.

Прошлые выпуски